मुंबई – मुंबईतील कांदिवली पूर्व समता नगर पोलीस ठाण्यातून बेपत्ता झालेल्या दिनेश प्रजापती (३८) याच्या हत्येचे गूढ समता नगर पोलिसांनी उकलले आहे.१ जून रोजी काजू पाडा परिसरातून ३८ वर्षीय दिनेश प्रजापती पोईसर बेपत्ता झाला होता. समता नगर पोलीस दिनेश प्रजापतीचा शोध घेत होते. दरम्यान, दिनेश प्रजापतीचा खून त्याचा मित्र सुरेश कुमावत (२६) याने केल्याची माहिती समता नगर पोलिसांना मिळाली.
मीरा रोड घोडबंदर हायवेपासून जंगलात ४ फूट जमिनीत कोणाचा मृतदेह पुरला होता. पोलिसांनी सुरेश कुमावत याला बोरिवली येथून अटक केली आहे. मीरारोड घोडबंदरच्या जंगलातून चार फूट खोदून दिनेश प्रजापतीचा मृतदेह सापडला आहे. परिमंडळ १२ चे पोलीस उपायुक्त म्हणाले की, सुरेश कुमावत हा मृत दिनेश प्रजापतीचा मित्र असून दिनेशची पत्नी आणि सुरेश कुमावत यांच्यात प्रेमसंबंध होते. त्यामुळे कुमावतने दिनेश प्रजापतीची हातोड्याने वार करून हत्या केली आणि दिनेश प्रजापतीचा मृतदेह घोडबंदरच्या जंगलात पुरला.
